| 兩日一夜澳門之旅: Day 2 0745起身,0830落樓下食早餐,食o左兩o野都冇咩特別,華哥仍然死o下死o下,唔知邊個提議俾佢係酒店繼續訓,言談間我又話想係酒店游水,淨翻四個就話過一過珠海,結果就賴低o左冇歡樂咭ge我係酒店...... 1000落o左樓下游水,個泳池超細,仲細過127,不過如果係香港,都大過好多地方,落去hea o左陣,發覺自己都有D虧,於是操o左一操水,游o左半個鐘,上翻樓沖涼換衫,自己一個出門;一個人自己由酒店行過美高梅金殿(MGM)買朱古力,因為o個邊紀念品店ge朱古力上次食完真係覺得唔錯,上次買得唔多,所以都有D到喉唔到肺,今次買o左兩盒榴槤,兩盒辣椒朱古力,兩盒殺精朱古力,一盒士多啤梨;沿途行過去MGM到到買朱古力都幾抵死,由於唔想行入賭場,係街上面問o左一個MGM負責截的士ge女士,以為佢講中文,點知佢同我講英文,買朱古力o個陣又係咁,攪到諗住放假唔駛講英文都唔得...... 買完1145返酒店,死o左o個個終於醒翻,hea o左陣,等齊人,就再出發過氹仔,過氹仔,係大利,食o左個豬扒麵,食埋個燕窩撻,hea陣,等到3點幾,再食埋個豬扒包就收隊返翻澳門...... 過到去,去o左排隊買"懵仔餅",話說呢個係潘榮記ge產品金錢餅,而又話說我o地係排隊等買ge時候,粧見到D師傅係咁搣,係咁夾夾o下,D人就係咁俾錢,d人就好似個懵仔咁,於是懵仔餅就由此而生......買完懵仔餅,就過禮記食雪糕,食完行翻新馬路買手信,中途當然要尋找翻失落o左ge羊扒包,繼續試其他味ge鹽酥雞......但由於時間關係,攪到我目標手信豬肉乾係冇買到ge,就咁就上o左的士,去碼頭返歸......船程中,粧,Annabell,華哥,我努力鋤Dee,由於我o地從不玩冇罰則ge遊戲,於是由初初ge玩,輸o左彈面,到到後尾由於有人唔出手大懲罰,於是變o左罰食懵仔餅,粧一定好肚餓,一轉即刻輸,先食9塊,XD...... 返到香港各自散水...... 
行去MGM經過ge一條行人隧道,感覺幾好,左上角同加上角ge位置係一塊鏡 
有得食好食,有得訓好訓呀,粧!食啦你! 
但懵仔餅真係愈食愈懵,攪到個樣都有D......XD Day 1 0815船,0730信德等,估唔到最早到o個個竟然係我,XP,o岩o岩早阿粧一個馬鼻,XD......過到澳門,撘巴士去新馬路食個粥同義順雙皮奶先,坐係路邊食粥,一路食粥一路落雨,好彩唔係好大,不過都幾想死! 食完就過關閘o個邊個泳池做成個澳門之旅最正經ge事,影技術,影到2點幾影完相,o個邊ge朋友帶o左我o地去三盞燼食個"麵店"(緬甸)o野,食o左個緬甸撈麵,ok ge,但真係等得超耐!食完4點幾返酒店check in擺低D o野,之後5點幾再起行,行過葡京,見到D女超妖,胸大,deep V,短裙,痴線!後o黎問翻阿Sir,阿Sir就話係出o黎做,但我到e+都諗佢o地應該係好似賭場風雲咁,賭場見你訖得多錢,就搵呢D女o黎夾你走!不過都唔關我事,我都唔會駛呢D錢,見佢呢D貨色,應該冇幾千蚊都過唔到夜.....之後係新馬路周圍行,周圍食,食o左個"次"同試o左個鹽酥雞,兩個都好正...... 7點幾join翻澳門朋友,行o左陣搵夜晚飯食,但7點幾8點,間間都爆哂,結果都係去翻原先想食個間,等位中途,見到對面間燒烤好似幾好食,可惜就食飯,但竟然問到有得外賣,諗都唔諗,就話食晚返酒店叫宵夜,XD......食晚飯間o野真係唔錯!食o左個蟶子,整佢個掣咁大隻,舊肉都8,9吋長,又夠味,來佬真係好D ge(come from愛爾蘭);個薑蔥蟹又係唔錯,起碼好過上年年尾係稻香食o個D先啦;食飽同澳門朋友告別,再去食糖水,但真係估唔到有人排隊ge地方,原來都可以係混水,一碗最低消費都$25,但其實冇咩特別,阿Sir碗雪耳燉木瓜就變o左糖水撈木瓜,我就因為叫D普通o野,感覺都冇咁大......食飽返酒店,唔知係咪因為食飽呢,個個有氣有力就開始嗌交,係條街度打o左幾場仗,真係痴Q線!結果都係返o左酒店,攪埋打仗D手尾,睇o左陣片,就叫燒烤外賣,最想食ge羊扒包竟然賣哂,成餐宵夜失望哂! 
上船你扮救生員?!都叫你早D訓ga啦華哥,掛住溝女呀拿!我o地去做正經o野ga!我o地ge正經o野之唔係飲飲食食,不遺餘力囉!XP...... 
咁大個仔,第一次樓上雅座,仲要坐係個跳樓位,唔影點得!? 
呢句說話我其實很o左講好耐:早抖啦你,鄭Sir! XD...... |
